fermeri.ge



ფერმერთა და მეწარმეთა სიანფორმაციო-სოციალური პორტალი გაიგე მეტი
X

 ცვლილებები კანონმდებლობაში, სიახლეები საფინანსო სექტორში, ახალი პროექტები, ახალი ტექნოლოგიები, ქართველი ფერმერებისა და მეწარმეების პრობლემები და წარმატებები, მსოფლიო მიღწევები და გამოცდილებები ეკონომიკის ყველა დარგში. ეს გახლავთ მოკლე ჩამონათვალი იმ თემებისა და საკითხებისა, რომელთა რეგულარულ და დეტალურ გაშუქებასაც ისახავს მიზნად ჩვენი პორტალის ახალი ამბების გვერდი.
   ჩვენ ვცხოვრობთ ეპოქაში, სადაც ინფორმაციის დროულად მიღებას ენჭება უდიდესი მნიშვნელობა. მით უფრო თუ თქვენ ეწევით ბიზნეს საქმიანობას.ინფორმატიულობა გაძლევთ შანსს, მინიმუმამდე შეამციროთ მოსალოდნელი რისკები. საჭიროების შემთხვევაში მიიღოთ სწრაფი და სტრატეგიულად მნიშვნელოვანი გადაწყვეტილებები. ეს კი პირდაპირპროპორციულად აისახება თქვენი ბიზნესის წარმატებასა და კონკურენტუნარიანობაზე.

 ვაწარმოოთ საქართველოში, გავყიდოთ მთელს მსოფლიოში.

 
 
 Fermeri.ge გისურვებთ წარმატებებს!
საგრანტო პროგრამა
ავტორი - admin
თარიღი  - 18-05-2020

ევროკავშირი, FAO და საქართველოს გარემოს დაცვისა და სოფლის მეურნეობის სამინისტრო, ფერმერთა მხარდასაჭერად 3.2 მილიონი ლარის მოცულობის საგრანტო პროგრამას იწყებენ

 

15 მაისი, 2020. თბილისი -  ახალი კორონავირუსის (COVID-19) პანდემიით ქვეყანაში არსებული გამოწვევების საპასუხოდ, სოფლის მეურნეობის დარგის და ადგილობრივი ფერმერების მხარდასაჭერად, ევროკავშირმა (EU), გაეროს სურსათისა და სოფლის მეურნეობის ორგანიზაციამ (FAO), საქართველოს გარემოს დაცვისა და სოფლის მეურნეობის სამინისტროსთან კოორდინაციით  დაფინანსების მექანიზმი - საგრანტო თანადაფინანსების პროგრამა შეიმუშავეს. ფერმერებსა  და მცირე მეწარმეებს თანამედროვე საირიგაციო სისტემების შეძენისა და დამონტაჟებისთვის შესაძლებლობა ექნებათ საგრანტო პროგრამის


ფარგლებში, თანადაფინანსება მიიღონ.  საგრანტო პროგრამისთვის, საერთო ჯამში 3.2 მილიონი ლარი გამოიყო. აღნიშნული პროგრამა ნაწილია ევროკავშირის ფართომასშტაბიანი  საგრანტო ინიციატივისა, რომლის საერთო ღირებულება 19 მილიონ ლარს აღემატება. ფერმერთა საგრანტო თანადაფინანსების პროგრამა „სოფლისა და სოფლის მეურნეობის განვითარების ევროპის სამეზობლო პროგრამის“ (ENPARD) ფარგლებში ხორციელდება.

 

 

,,საქართველოს მთავრობა აქტიურად მუშაობს ევროკავშირთან და პარტნიორ ორგანიზაციებთან ერთად, რათა ხელი შეუწყონ სოფლის მეურნეობის და სოფლის განვითარების უწყვეტ პროგრესს ქვეყანაში. დღეს, მთელი მსოფლიო და მათ შორის საქართველო, იმ დიდი ეკონომიკური გამოწვევების წინაშე დგას, რაც  COVID-19-ის გავრცელებამ გამოიწვია. ჩვენ


აქტიურად ვმუშაობთ იმისთვის, რომ საქართველოს მოსახლეობას სურსათის უზრუნველყოფის კუთხით პრობლემები არ შეექმნას. სამინისტრომ, საერთაშორისო პარტნიორების და დონორი ორგანიზაციების მხარდაჭერით, შეძლო სწრაფად განეხორციელებინა საჭირო ცვლილებები პროგრამებში. ჩვენ დავეხმარებით ფერმერებს ისეთი პროექტების განხორციელებაში, რომლებიც ხელს შეუწყობს სასოფლო-სამეურნეო სამუშაოების შეუფერხებლად წარმართვას  და ქვეყანაში პირველადი წარმოების ზრდას“, - განაცხადა გარემოს დაცვისა და სოფლის მეურნეობის მინისტრის მოადგილემ, ხატია წილოსანმა. 

 

 

„დღეს, გამოწვევებით აღსავსე დროში, სასურსათო უსაფრთხოება უმნიშვნელოვანესი საკითხია. პანდემიის საპასუხო საგრანტო ინიციატივა საქართველოს 22 მუნიციპალიტეტში,


ფერმერებს საირიგაციო სისტემების სწრაფ მოწყობაში დაეხმარება, რათა მათ წარმოება გაზარდონ.  ქვეყნისთვის ეს სურსათის მიწოდების ზრდასა და მეტ შემოსავალს ნიშნავს“, - განაცხადა კარლ ჰარცელმა,  საქართველოში ევროკავშირის ელჩმა.

 

საგრანტო თანადაფინანსების მისაღებად, მსურველებს განაცხადის შეტანა  30 ივნისამდე შეეძლებათ. საგრანტო კონკურსში მონაწილეობა და თანადაფინანსების მიღების შესაძლებლობა აქვთ ბოსტნეულისა და კენკრის მწარმოებლებს, რომლებიც  ქვეყნის მასშტაბით,  22 მუნიციპალიტეტში:  ლაგოდეხი, ყვარელი, გურჯაანი, დედოფლისწყარო, სიღნაღი, თეთრიწყარო, მარნეული, ბოლნისი, წალკა, დმანისი, გარდაბანი, ახალქალაქი, ნინოწმინდა, ბორჯომი, ახალციხე, ასპინძა, ყაზბეგი, დუშეთი, ქედა, ხელვაჩაური, ხულო და


შუახევი საქმიანობენ. საგრანტო პროგრამის ფარგლებში, თითოეულ ბენეფიციარს, საირიგაციო სისტემის შეძენისა და მონტაჟის სრული ღირებულების 75% (არაუმეტეს 5000 აშშ დოლარის ეკვივალენტი ლარში)  დაუფინანსდება.

 

„ჩვენთვის მნიშვნელოვანია, რომ ფერმერებს სეზონური სამუშაოების შესრულებაში დროულად დავეხმაროთ. თანამედროვე საირიგაციო სისტემებზე ხელმისაწვდომობა ხელს შეუწყობს ბოსტნეულისა და კენკროვანი კულტურების მოსავლის  მოცულობის ზრდასა  და შესაბამისად, მეტი შემოსავლის მიღებას. ეს კი, დაეხმარება ქვეყანას, ეფექტიანად  დაძლიოს Covid-19-ის პანდემიით გამოწვეული ნეგატიური შედეგები“, - განაცხადა საქართველოში FAO-ევროკავშირის პროექტების კოორდინატორმა, ხავიერ სანს ალვარესმა.

 

საგრანტო თანადაფინანსების


პროგრამაში რეგისტრირების პროცესი სრულად ადაპტირებულია ქვეყანაში არსებულ საგანგებო მდგომარეობასთან. განაცხადების შეტანა ხორციელდება ონლაინ, ხოლო საკონსულტაციო დახმარების მიღება სატელეფონო ზარებით იქნება შესაძლებელი. საირიგაციო სისტემების მაქსიმალურად ეფექტიანად გამოყენებისთვის,  გარემოს დაცვისა და სოფლის მეურნეობის სამინისტროს და FAO-ს სპეციალისტები, პროგრამის ბენეფიციარებს ინფორმაციის გაზიარების გზით დაეხმარებიან.

 

 

აღნიშნული საგრანტო პროგრამა, ENPARD-ის ფარგლებში, 2019 წლიდან მიმდინარე 19.2 მილიონი ლარის მოცულობის საგრანტო ინიციატივის ნაწილია, რომელიც სოფლის მეურნეობის სექტორში კაპიტალური ინვესტიციების დაფინანსებას ითვალისწინებს. აღსანიშნავია, რომ ევროკავშირის მიერ სასოფლო-სამეურნეო


გრანტებზე გამოყოფილი თანხიდან უკვე განხორციელდა 2.2 მილიონი ლარის ოდენობის თანადაფინანსება ტრაქტორებისა და სხვა სასოფლო-სამეურნეო ტექნიკის შესაძენად, ასევე სათბურების მოწყობის უზრუნველსაყოფად. მიმდინარე საგრანტო კონკურსების შესახებ დეტალური ინფორმაციის მიღება შესაძლებელია ვებგვერდზე: WWW.FAOGRANTS.GE


ევროკავშირი მხარს უჭერს სოფლის მეურნეობასა და სოფლის განვითარებას საქართველოში ENPARD-ის პროგრამის დახმარებით. პროგრამა 2013 წლიდან ხორციელდება და მისი მთლიანი ბიუჯეტი  179.5 მილიონ ევროს შეადგენს. ENPARD-ის ძირითადი მიზანი საქართველოში სოფლად სიღარიბის დაძლევაა. პროგრამის პირველი ფაზა მიზნად ისახავდა სოფლის მეურნეობის განვითარების ხელშეწყობას იყო, ხოლო მეორე და მესამე ფაზის  პრიორიტეტს

სოფლად მცხოვრები ადამიანების ეკონომიკური განვითარების ხელშეწყობა და არამარტო აღნიშნულ სექტორში შესაძლებლობების შექმნა წარმოადგენს.. მეტი ინფორმაციისათვის ეწვიეთ ENPARD-ის ვებგვერდს: www.enpard.ge

წყარო: სოფლის მეურნეობის სამინისტრო



R E K L A M A
E-2

კომენტარები (0)
კომენტარები (0)
კომენტარის დამატება




მონიშნეთ, თქვენ არ ხართ რობოტი

X
კომენტარის დასამატებლად
გთხოვთ გაიაროთ ავტორიზაცია

სტატიები

R E K L A M A

დააფიქსირე საკუთარი აზრი
 Ñîçäàåì îïðîñ ñâîèìè ðóêàìè

რომელი ფაქტორები აბრკოლებენ ფერმერული მეურნეობების განვითარებას





ახალი თემები ფორუმზე

R E K L A M A

ფერმერთა დღიური


<< >>
  • კვ
  • ორ
  • სამ
  • ოთ
  • ხუთ
  • პარ
  • შაბ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  •  
  •  
  •  
  •  


C-1 C-2 C-3 C-4 C-5 C-6 C-7 C-8 C-9 C-10 C-11 C-12 C-13 C-14 C-15 C-16 C-17 C-18 C-19 C-20 C-21 C-22 C-23 C-24 C-25 C-26 C-27 C-28

იყავი საქმის კურსში
ლარის კურსი